Að lokum...
Jæja öllsömul!
Nú er komið að því. Hér skiljast leiðir!
En bara í bloggheimum. Ég á eftir að hitta ykkur, heyra í ykkur og senda ykkur e-mail :D
Í stuttu máli var Kanadaferðin alveg aldeilis, meiriháttar mögnuð og erfitt að lýsa hversu góð hún var. Þessu góða fólki sem ég kynntist mun ég aldrei gleyma og ætla ég mér að halda sambandi við nokkra af þeim. Ég, og ég er viss um að hinir sem voru með mér í Snorra West verkefninu eru sammála, eignaðist eins konar "míní-heima" í Kanada og það er skrítin tilfinning!
Það að geta gengið um léttklæddur og frjálslegur allan daginn og allt kvöldið, fara á ströndina, fá mér "iced cappucino, with a little bit of hazelnut syrop", fara út að borða með vinum, dansa úti undir berum himni á torgi á reggí tónleikum í Gimli í góðra vina hópi, borða epli af eplatré, fara á tónlistarhátíð í æðislegu veðri, gista í húsi með strönd fyrir bakgarð og fara út í morgunsárið og dýfa tánum í vatnið í flæðarmálinu, spila póker með pókerfélögunum mínum þremur ;) og margt, margt fleira gerði þessa ferð að því sem hún var.
Eftir að ég kom heim er einnig margt búið að gerast. Ég fór í eina 13 klst langa fjallgöngu - frá Eyjafirði yfir Nýjabæjarfjall yfir í Skagafjörð - sem var bara draumur!! Dáldið erfið og krefjandi en maður gleymir því þegar maður er með skemmtilegu fólki í hóp eins og Randa frænda mínum, Dúnnu, Lilju frænku og fleiru góðu fólki í alveg meiriháttar veðri ALLAN tímann (þ.e. ekki dropi úr lofti eða neitt slíkt!). Eina sem ég fann fyrir daginn eftir, fyrir utan morgunstirðleika sem fór þegar ég var staðin upp, var risablaðra á hælnum! En góð að öðru leiti.
Síðan hef ég verið á fullu að flytja dót í nýju stúdentaíbúðina mína sem ég leigi með 3 öðrum indælum stelpum úr háskólanum :) Það er búið að ganga mjög vel með mikilli og góðri hjálp frá pabba mínum. Ég er búin að sofa 2 nætur og mér líst mjög vel á mig hér, er strax farið að líða vel. , geng út um allt (af því að við seldum Pontann okkar) og það er stutt í búð, skólann og sund...hvað annað þarf maður ;)
Jæja, þá ætla ég að segja þetta gott og þakka ykkur rosa vel fyrir samfylgdina :D Það væri gaman ef þið sem eruð enn að kíkja á þessa bloggsíðu mína mynduð öll kvitta í lokaskiptið ;)
Ég er að spá í að halda myndasíðunni gangandi og setja inn myndir af og til fyrir ykkur sem vilja aðeins fá innsýn inn í hvað ég er að gera. Slóðin er:
posted by Ragga @ 2:48 e.h.
6 comments
6 Comments:
Það er búið að vera rosalega gaman að fylgjast með blogginu hjá þér :) Ég hef alltaf beðið spenntur eftir næstu færslu hjá þér. Ég vona að þú verðir dugleg að setja inn myndir, þannig að ég geti fylgst með því sem þú ert að gera.
Gangi þér vel í skólanum,
Kv. Biggi bói
Hallo gullið mitt ! Eg ætlaði nu reyndar að vera buin að "commenta" en það forst fyrir, og við erum reyndar bunar að tala saman i millitiðinni. Klukkan er að verða 22.30, og eg vildi nu ekki hringja i þig ef ske kynni að þu værir komin i draumalandið. Eg er i oðaonn að strauja og pakka, flyg til Mallorca a morgun (yndislegt). Eg hef samband þaðan og sendi að sjalfsögðu kort. Farðu vel með þig elskan min, I LOVE YOU, þin mamma.
hæhæ
eg bara datt inn á þessa síðu og langaði að kasta á við kveðju. ég sakna að sitja ekki á básnum mínum á bókasafninu
núna veit eg hvar þu bloggar :)
kv gusti
össs.... bara hætt að blogga þegar ég kemst að því að þú ert hér á almheimsvafranum ;)
Þú verður að byrja aftur núna svo ég geti fylgst með þér :p
hallo...á ekkert að skrifa smá blogg vinkona :)
kv gusti
Jahh..þið segið nokkuð! Ég hef ekki farið inn á bloggið mitt lengi og ætlaði svo sem ekki að blogga meir...en ég get nú varla brugðist dyggum aðdáendum mínum, er það nokkuð?! ;)
Solla gella, það var virkilega gaman að fá e-mailið frá þér um daginn - við erum ekki búnar að vara mjög duglegar við að halda sambandi! Nú breytist það og næst þegar ég kem í bæinn hef ég samband ;)
Gústi, ég sakna þess að hafa þig í básnum.
Þið vinirnir - þú og básinn - voruð búnir að ganga í gegnum svo margt saman...hann er hálf einmana þarna án þín. Það hafa ábyggilega verið fagnaðarfundir þegar þið endurnýjuðuð kynnin í október :)
Ég ætla ekki að blogga í kvöld, ég þarf að vakna snemma til að byrja seinustu vikuna í verknáminu á sjúkrahúsinu - þarf örugglega út 10 mínútum fyrr en venjulega til að arka í snjó og slabbi...alltaf jafn notalegt svona í morgunsárið..hmmm...
Svo man ég ekki alveg hvernig á að búa til blogg og þarf að rifja það upp ;)
heyrumst
Skrifa ummæli
<< Home