Ragnheiður Diljá

Letigír

2008-03-21T09:37:00.003Z

Ég ákvað á þriðjudaginn að ég skyldi ekki fara í letigír um páskana...þ.e. að sofna seint og vakna seint og gera lítið...

...ætlaði samt ekki að fara í þann gír að sofna seint og vakna samt eldsnemma! eins og í morgun...

Fór samt að spá - ef maður fer ekki í smá letigír á hátíðisdögum til hátíðisbrigða, hvenær þá? Ekki alltaf sem maður fær svona langa helgi, sem er ekki vinnuhelgi og enginn lokaverkefnishittingur í bráð...á maður ekki bara að njóta þess ;)

Framundan er smá skokk í góða veðrinu, sturta, kjúklingur, bíó í kvöld...spurning hvort ég sæki kassa niður í geymslu og byrji að undirbúa flutning sem verður í lok maí, styttist! Flyt nú ekki langt samt, verð hjá honum pabba mínum í rúman mánuð og ætla að fá mér líkamlega erfiða útivinnu vs andlega erfiðu núverandi vinnuna mína - er búin að sækja um hjá sorphirðunni og komin á blað hjá aðalkarlinum ;) Hlakka til að prófa! Svo Interrail í 4 vikur :D og svo bara VEIT ÉG EKKI...þvílíkur seinagangur í mér, er varla búin að sækja um neins staðar, kannski af því að ég er s.s. ekkert smeyk um að fá ekki vinnu...virðist vanta alls staðar. Þetta kemur allt með kalda vatninu ;)

En fyrst, aðeins að kúra ;)

Ps: setti nokkrar nýjar myndir inn

Morgunstund gefur gull í mund ;)

2008-02-29T09:16:00.002Z

Elska svona morgna...

Kannski myndu ekki allir vera sammála því ef þeir hefðu átt svona morgunn eins og ég átti.

En þessi morgunn var svona morgunn sem lætur manni líða eins og klukkan ætti eiginlega að vera meira. Hann byrjaði þannig að ég lét loksins verða af því að endurnýja kynni mín af morgunskokki, fyrstu tvær mínúturnar hugsaði ég náttúrulega "Hvað er ég eiginlega að pæla, maður á auðvitað að vera sofandi uppi í rúmi kl. 6:20 á morgnana...ekki að sjokkera lungun með ísköldu lofti!" en það var fljótt að gleymast þegar ég var orðin vel heit og búin að losa mig við vettlingana og rífa af mér eyrnaskjólið!

Svo náttúrulega fór ég í sturtu. Þessi sturta hefur svona verið smám saman að stíflast síðan í sumar af síða hárinu mínu...og þó það hafi nú styst töluvert þá safnast það nú saman og gefur manni þann lúxus að fá fótabað í leiðinni ;) En núna var þetta aðeins meira en fótabað því það lak beint út á gólf! Þá gat ég nú ekki hundsað stífluna (sem var örugglega eldri en síðan í sumar þegar ég flutti inn) og sótti eina verkfærið sem til er í húsinu sem var sem betur fer akkúrat það sem ég þurfti - skrúfjárn! Fór í hanska, losaði hlífina af niðurfallinu og OJ BARA lyktin og slímið og hárflókinn!! En ég losaði slímhárlubbann og skrúbbaði, meira að segja innan á hlífinni...fékk þokkalega sýklagleraugun á mig.

Næst er það affrysting á ísskápnum...þarf samt eiginlega annað orð...kannski bara ísjakalosun og -brottflutningur!! Það verður í annað skiptið síðan ég flutti inn - getur verið að ísskápurinn sé bilaður??? ;)

En sturtuniðurfallið tek ég bara einu sinni!!!

Óbein skilaboð

2008-02-26T11:39:00.003Z

Ég var svona rétt í þessu að spá...

...hvað ætli það merki að heyra nákvæmlega sama geisladisk spilaðan á hæðinni fyrir ofan og ég var að spila í gærkvöldi? Hmmm.....

...það var ekki einu sinni nýr diskur eða það mikið spilaður á útvarpsstöðum núna. Hmmm.....

...ætli það sé verið að segja manni eitthvað?? ;)

Merkilegir hlutir gerast enn...

2008-02-09T16:22:00.001Z

Já...það gerðist heldur betur merkilegur hlutur í dag.

Svo merkilegur að ég mátti til með að skrifa það hér niður og deila því með ykkur lesendum mínum.

Veit nú ekki hve merkilegur hann er á skalanum 1-10, læt ykkur eftir að dæma um það.

En alla vega þá var ég að vinna í dag á geðdeildinni og eins og oft í samræðum við fólk sem maður þekkir ekki vel leiddist talið m.a. að aldri þeirra sem þátttakendur voru í einu af þeim samtölum sem fram fóru milli okkar sem eyddum þessum fína degi saman. Ég segi satt og rétt frá því að ég sé 23 ára og hvað haldið þið að einn sjúklingurinn segi? "Bara 23 ára...en þú ert svo fullorðinsleg"

Já, merkilegt nokk í fyrsta skiptið á minni ævi, held ég að ég megi barasta fullyrða, heldur einhver að ég sé eldri en ég er! Og það var bara mjög skemmtileg tilbreyting þar sem það getur verið þreytandi til lengdar að heyra að ég sé svo ungleg. Sérstaklega þegar maður er í 4 ára háskólanámi og ætlar sér jafnvel að fara að vinna í starfi þar sem fólk þarf oft að treysta manni fyrir lífi sínu...hugsa að sumir séu tortryggnir á það við fyrstu sýn að unglamb eins og ég geti höndlað það, þó að ég hugsi nú að þegar það kynnist mér þá breytist sú skoðun - ekki skal dæma bókina eftir kápunni ;) Ég get nú ímyndað mér að margir unglæknar fái að heyra að fólk vilji tala við alvörulækni, það getur ekki verið skemmtilegt! En líklegast er þetta bara hluti af lífinu og starfsþróuninni. Bara bíta í það súra og láta það ekki á sig fá..hehe...jámm...

En skemmtilegt var þetta!

Annað í fréttum...var að klára 5 vikna verknámið mitt í gær - seinasta verknámstörnin í hjúkrunarnáminu! Nú verður allur kraftur lagður í verknámið og vinnuna, og ýmislegt fleira sem ég ætla mér að rækta eins og familíuna og vini, ítölskunámið (! já, var að byrja í ítölsku), kórinn og framtíðarplön !!!

3 upphrópunarmerki, og ekki einu einasta ofaukið. Það er nefnilega hausverkur út af fyrir sig því ég er eins og lauf í vindi með að taka einhverja ákvörðun. Ég er að hugsa um að sækja bara um vinnu og nám hér og þar og sjá hvað ég fæ - taka svo ákvörðun þegar þar að kemur, hvernig hljómar það? Ég ætla ekki að tala of mikið um möguleikana sem koma til greina því hver veit nema þeir verði allir foknir í veður og vind og nýir teknir við í kollinum á mér í vor!

Hafið það gott mín kæru :)

Myndir

2008-01-16T21:39:00.000Z

Halló halló!

Ég er ekki hætt ( í 10. skiptið eða e-ð álíka ;) ) að blogga - bara bloggleti eða e-ð svoleiðis.

Ég skellti inn nokkrum myndum sem ég er að hugsa um að leyfa bara að tala sínu máli þangað til ég er í betra stuði að skrifa eitthvað almennilegt hér.

Kær kveðja frá Ragnheiði í verknámi (svæfing, slysadeild, skólahjúkrun, heimahjúkrun, mæðra-/ungbarnavernd) og lokaverkefnisvinnu ;)

Desember

2007-12-01T12:46:00.000Z

Já...það er kominn desember sem þýðir (NB í síðasta skiptið a.m.k. í bili):

PRÓFATÖRN framundan

sem þýðir: spinning, litlujól með skemmtilegu samstarfsmönnum mínum á geðdeildinni, aftur spinning (valdi mér rétta tímann til að fá æði fyrir því aftur), kvöldmatur með pabba mínum, margar pásur til að hlusta á "bara þetta lag" og "eeee...kannski þetta líka, þetta er svo gott" o.s.frv., lestur, göngutúr í "góða" veðrinu (hríðarbyljir í boði vetrarins), pásur til að lyfta pínu í fínu skólaræktinni - gott til að fá blóðið á hreyfingu eftir "heila" klukkutímasetu (hvert fór þolið sem ég hafði á fyrsta ári???), taka til nesti og brjóta saman þvott fyrir svefninn...

...en bíðið nú aldeilis hæg, hvað með lesturinn...gleymdi ég því? Neinei, hann er þarna einhvers staðar með :)

Jájá, þetta verður búið áður en ég veit af...því er nú verr og miður því einhvern veginn er þessi tími alltaf svo skemmtilegur, ég á svo sannarlega eftir að sakna hans því þetta er SÍÐASTA PRÓFATÖRNIN! ...alla vega í bili ;)

Og í dag kæru vinir er fyrsti desember sem þýðir það að það er 31 dagur eftir af árinu og um að gera að njóta þeirra, taka einn dag í einu og gera hann sérstakan að einhverju leiti. Ég ætla t.d. að kveikja á desember kertinu mínu, sem ég fékk að gjöf, í kvöld áður en ég fer að sofa og ekkert að skamma mig þó að ég fari aðeins lengra en 1. desember...því að ég veit að ég á eftir að gleyma mér og slökkva aðeins of seint ;) Þetta jafnast út seinna í mánuðinum þegar ég gleymi að kveikja á því einhvern daginn :)

Svo var meðleigjandinn minn svo góður að kynna mig fyrir hljómsveit - Antony & the Johnsons - í gærkvöldi, sem ég hef aldrei heyrt í áður og ég setti fyrsta lagið sem hann lét mig hlusta á hér á bloggsíðuna mína - ykkur á hægri hönd.

Hafið það gott í desember - Knús til ykkar allra~

Afmæli

2007-10-27T22:08:00.000Z

Hæ elsku vinir og fjölskylda,

TAKK fyrir allar fallegu afmæliskveðjurnar á miðvikudaginn!

Datt í hug að setja inn eina "uppskrift" að afar fljótlegum og ódýrum "rétti" þegar þið eigið

grænmeti sem er á síðasta degi (brokkolí, blómkál, sveppir, laukur)

túnfisk í dós

kaldar soðnar kartöflur sem þið tímduð ekki að henda

-grænmetið skorið í bita, sett á pönnu við miðlungshita...fyrst laukur, svo hitt.

-Setjið svo kartöflurnar og túnfiskinn út í og kryddið með smá pipar og e.t.v. karrí

-Leyfið að sjatna pínustund saman á pönnunni

-Berið fram heitt með smá kurluðum fetaosti (ég hrærði bara með gafflinum í krukkubotninum)

Kom á óvart ;)

Ég setti inn nokkrar myndir frá afmælisdeginum og eitt video skot! :)

"Þegar maður hefur tíma" ??

2007-10-16T16:32:00.000Z

Mamma - takk fyrir skemmtilega og notalega helgi með þér á Akureyri :) Ég setti ekki myndina inn á myndasíðuna!

Gunnar M. G. bróðir minn var að gefa út ljóðabók og hélt alveg hreint meiriháttar ljóðaupplestrarkvöld.

Kári og Karl frændur mínir fóru á helgarnámskeið í blústónlist hjá honum KK sem var á Norðurlandinu að spila hér og þar og alls staðar og var mér boðið á tónleika sem krakkar í tónlistarskóla Hrafnagils héldu með honum KK - sem söng og spilaði á munnhörpu með 5 hljómsveitum sem stofnaðar voru þessa helgi! Þar spiluðu frændur mínir á gítara og stóðu sig svo vel - eins og þeir hefðu aldrei gert annað en að spila fyrir fullum sal af fólki. Alveg ótrúlega uppörvandi að sjá spilagleðina hjá þeim og það hvað hægt er að framkvæma ef viljinn er fyrir hendi og einskær áhuga á viðfangsefninu! Ég fór sko beint að gítarnum mínum þegar ég kom heim :D

Ég má svo til með að benda ykkur á bloggið hjá henni Olgu vinkonu minni, sem ég kynntist árið sem við leigðum saman í Klettastígnum...við náðum vel saman og ég fíla það sem hún pælir og það hvernig hún pælir alltaf á jákvæðan og uppbyggilegan hátt :)

Þó þessar málsgreinar virðist úr ólíkum áttum og ekkert sameiginlegt með þeim þá get ég dregið saman í lokin smá "boðskap" sem ég hugsa oft um. Ég vil meina það að maður verði að sinna sínum áhugamálum og hugðarefnum, alltaf - ekki bara "þegar maður hefur tíma". Í öllu þessu er að finna lífsneistann, það sem gerir dagana áhugaverða og spennandi. Maður á að hlúa að því sem maður hefur áhuga á en ekki láta dagana líða hjá í sinnu- og nennuleysi og bíða eftir rétta augnablikinu. Einn og einn "letidagur" í lagi, svona inn á milli. Þeir eru líka nauðsynlegir :)

Ég setti inn nokkrar myndir ;)

Lagað til á bloggi...

2007-10-09T11:05:00.000Z

...þýðir bara eitt: er alveg að fara að læra!

Það voru nokkur lög sem virkuðu ekki þannig að ég tók þau út og setti nokkur inn í staðinn. Fyrir þau ykkar sem ekki eruð komin í jólagírinn og búin að halda litlu jól og svoleiðis (hehemmm...) þá bara horfið þið framhjá fallega jólalaginu hennar Celine Dion þangað til þið eruð í þannig stuði ;)

Framundan hjá mér er kór í kvöld í fyrsta skipti eftir sumarið - Jey!! Ég er búin að raula kórlögin í allan morgun :) En nú er best fyrir mig að fara í heimildavinnu og ritgerðarsmíð.

Set inn nokkrar haustmyndir frá blíðunni hér fyrir norðan,
bless í bili - Ragga

2ja vikna Reykjavíkurmær...alveg að fíla það !

2007-10-04T10:43:00.000Z

Hæ allir!
Jæja, þá er mín komin aftur...stödd norðan heiða eftir frábæra dvöl í Reykjavík. Hansi og Guðbjörg...tusund tak fyrir að opna heimili ykkar fyrir mér :) Verknámið gekk mjög vel OG ég náði að nýta lausar stundir til þess að eiga rosa góðar stundir með fjölskyldu og vinum.

Ég náði m.a. að taka þátt í surprise afmæli Evu vinkonu, leika mér í fótbolta og körfubolta með Bigga bóa og frændum mínum, týna sveppi með mömmu í Fossvoginum, sjá mynd á alþjóðlegu kvikmyndahátíðinni, fara á kaffihús og fá mér te með sojamjólk + froðu + kanil (mmm), borða nesti við andapollinn og sleppa naumlega undan ágengni fastagesta þar!, villast á göngu minni í Kópavoginum (klukkutímaganga varð að 3ja tíma göngu), kíkja í Fylgifiska á Skólavörðustígnum (rosa góður fiskur), fara á tónleika með Dikta, Ölvis og Jan Mayen og dansa...auðvitað :), halda smá ræðu á þingi Þjóðræknisfélagsins og halda upp á Litlu Jólin með vinum mínum Stepanie, Héðni og Sindra...

Hehe, já þið lásuð rétt: Litlu Jólin...í september - en ekki hvað? ;) Við ákváðum það áður en ég og Stephanie fórum suður að halda upp á litlu jólin með öllu tilheyrandi, þ.e.: Jólamatur (hamborgarahryggur, gular og grænar baunir, salat, brúnaðar kartöflur og Rósmarín kartöflur, sósa, heimatilbúið Waldorfssalat, piparsósa), Egils Malt&Appelsín, möndlugrautur, möndlugjöf, pakkar, jólatré, jólaseríur og jólalög! Þetta var æði, mæli með því að gera eitthvað svona útúrkú af og til!

Og við virkilega náðum jólaandanum, enda ekki skrítið þegar maður sat við eldhúsborð eftir 4 klst eldamennsku, með hinn fullkomna jólabita í munninum, yndislega vini í kringum sig og öllum fannst ekkert sjálfsagðara en að sitja þarna saman og raula jólalög, og horfa inn í ljósaskreytta stofuna...

Nú sit ég hérna og rifja upp allar góðu stundirnar sem ég átti á þessum 2 vikum og ég bara er svo heppin að eiga svo marga góða að í mínu lífi, get ekki ímyndað mér hvernig líðanin er að eiga engan að! Ég vildi að enginn þyrfti að upplifa það.

Hafið það gott mín kæru og ræktið tengslin ykkar.
Knús, Ragnheiður Diljá.

Ps: setti inn nokkrar myndir ;)
Pss: kíkkíð á þetta! http://dagskra.ruv.is/streaming/sjonvarpid/?file=4338169/7

Enn á ný :)

2007-09-04T19:46:00.000Z

Já glöggir lesendur þessa bloggs...ég er komin aftur - veit ekki hvort ég kem tvíefld til leiks á ný ;) en á ný er ég hér!

Gústi minn...þú getur hætt að hafa áhyggjur, það amar ekkert að mér annað en hið algenga heilkenni sem nefnist á mannamáli: "Jiii...hvað tíminn flýgur frá mér!!" og er einfalt að meðhöndla með því að kúpla sig frá öllu sem heitir skóli, verkefni, fyrirhugað verknám með tilheyrandi verkefnum o.s.frv. Þar sem ég er ekki í aðstöðu til þess að gera það almennilega akkúrat núna, svona í upphafi skólatarnar, þá stel ég nokkrum stundum hér og þar til þess að hugsa um ekkert nema elsku fjölskyldu og vini mína. Ég og Stephanie vinkona mín ætlum t.d. að passa vel upp á að halda okkur við tímaramma í verkefnavinnu okkar sem framundan er, því þá notum við frítímann með góðri samvisku ;)

Annars átti ég virkilega gott sumar og náði að gera ýmislegt með fjölskyldunni og vinkonum, gekk mjög vel í vinnunni og fékk góða umsögn frá yfirmanni. Kanadaferðin var vel heppnuð og ég náði að hitta alla sem mig langaði að sjá og fleiri. Heimferðin var reyndar dáldið löng þar sem ég fór í samtals 3 vélar með lööööngum biðtíma á hverri flugstöð og nokkrum hikstum

- í Chicago var fluginu mínu aflýst og ég þurfti að redda mér öðru
- í Minneapolis kom farangurinn minn ekki fyrr en eftir 4 klst bið (en kom sem betur fór!)

en ferðin tók í heild einn sólarhring :/ Lærði samt heilmikið á það hve mikið getur farið úrskeiðis þegar maður pantar flug á netinu í ókunnugu landi og að þetta reddast alltaf fyrir rest einhvern veginn ! ;)

Svo er skólinn byrjaður og það er gaman...loksins lokaspretturinn og seinasta prófatörnin í HA framundan. Pínu söknuður, verð ég að viðurkenna. Ég fer í verknám á Barnaspítala Hringsins 19. september til 2. októbers og þá væri nú gaman að reyna að sjá ykkur sem flest. Endilega hafið samband og bókið í tíma hehe :)

Við heyrumst, hafið það rosa gott, ég set inn nokkrar myndir :)
1000 bussi til þín líka mamma~

Bloggleysi!

2007-06-15T17:54:00.000Z

Ekki er bloggdugnaðurinn að fara með mann, það er sko aldeilis víst. Ég hef því barasta ákveðið að kveðja þessa bloggsíðu mína en engar áhyggjur...það eru enn til e-mail og símar og svo er alltaf gaman að kíkja í heimsókn ;)

Kennararnir voru sammála og gáfu mér rosa góðar einkannir, flutningurinn gekk sömuleiðis vel en við pabbi rumpuðum því af eins og ekkert væri! Nú er ég komin á fjórðu hæð í blokk með nýjan meðleigjanda og mér líkar rosa vel hér.

Annars er framundan hjá mér sumar fullt af

*samverustundum með fjölskyldu og vinum;
*hjóltúrum og annarri góðri hreyfingu sem er svo gaman að stunda á sumrin (= mínus frost í lungun; mínus klaki, hálka og slabb; mínus alltaf myrkur) og stefni ég á nokkrar fjallgöngur og fyrsta alvöru langa hjóltúrinn minn með vinkonu minni skiptinema frá Sviss;
*vinna á geðdeildinni sem gengur vel, er mjög krefjandi og krefst þess m.a. að maður líti oft og iðulega í eigin barm og horfist í augu við ýmsa þætti í sjálfum sér sem þarf að fínpússa til að verða betri í vinnunni (úff...maður er víst ekki fullkominn!!);
*Kanadaferð í lok sumars þar sem ég verð í hlutverki leiðsögumanns, kynnis og svo fyrrverandi Snorra sem snýr aftur (Snorri alumni);
*og svo hefst síðasta árið í hjúkrun og hlakka ég mikið til að takast á við það. Eftir það kemur í ljós, er búin að gera smá eftir-útskriftar-uppkast en það er eitthvað sem er bara í dagbókinni minni eins og er ;)

Takk fyrir samfylgdina kæra fjölskylda og vinir, þið hafið verið dugleg að fylgjast með mér hér þrátt fyrir bloggleysi af og til. Ég held áfram að kíkja til ykkar sem eruð duglegri en ég að láta vita af ykkur í bloggheimum. Við heyrumst!

Kær kveðja Ragga.

Bara eitt einasta próf eftir !!!

2007-05-09T11:21:00.000Z

Já, þetta er allt að hafast og mín sátt við sig. Vona að kennararnir sem fara yfir séu sammála ;)

Á föstudaginn er seinasta próf og á mánudaginn byrja ég í sumarvinnunni minni...í fyrsta skiptið verður hún á sjúkrahúsi! Bláa Kannan mín verður víst að vera án mín þetta sumarið - hugsa samt að ég reyni að fá að hella upp á kaffi einhverja daga eða dagsparta og fá smá sumar- og túrista stemningu :D

Nú hefst biðin endalausa eftir einkunnunum, ætla samt nú í ár að takmarka mig við einu sinni á dag að kíkja á netið til að athuga hvort eitthvað sé komið - gæti líka stofnað svona félag við bekkjarsystur sem virkar þannig að hver okkar kíkir einu sinni á dag, á mismunandi tímum, og sms-ar á hópinn ef eitthvað er komið !!

En mín kæru...sumarfrí framundan og mikil tilhlökkun hér á bæ!!
Vona að það sama gildi um ykkur :)

Prófalestur - nokkur góð ráð!

2007-04-24T17:57:00.000Z

Hver sagði að það væri ekki hægt að hafa gaman í prófalestri??

Ja...ekki ég alla vega, það er sko víst! Það er hægt að finna sér ýmislegt gaman til að lífga upp á sálina þegar augnlokin fara að síga. Hægt er að sjá nokkur dæmi á myndasíðunni minni og hver veit nema ég gefi ykkur fleiri dæmi á næstu vikum próflestrar og prófatöku ;) Ég tel að þetta sé betra en að skríða upp í rúm í “smá stund” (sem verður yfirleitt “aðeins” lengri) og þetta svínvirkar!

Kveðja,
Ragga ráðagóða :D

Gleðilegt sumar!

2007-04-19T21:49:00.000Z

Já, gleðilegt sumar Eva mín :) og gleðilegt sumar kæru lesendur þessa bloggs míns - leyfi afsökunarbeiðni á bloggleysi að fljóta með!

Vissulega tók sumarið vel á móti okkur hér á Akureyri því veðrið er búið að vera yndislegt í allan dag. Pabbi sagði mér að vetur og sumar hefði fryst saman í nótt, eins og það á að gera, og veit það á gott sumar. Mér dettur ekki í hug annað en að trúa honum pabba mínum með það :D Ég skellti mér í sumargöngu um bæinn þveran og endilangan snemma í morgun, undir heiðbláum himni og glampandi sól - bara yndislegt.

Og meira gerði ég í dag...reyndar á kostnað þess að læra en það var þess virði. Ég hitti Jónas sagnfræðing og Kent Lárus frá Nýja Íslandi í Kanada í dag og við keyrðum til Húsavíkur til að hitta kórinn sem við munum "tour-guidast" með í Kanada. Veit ekki hvort ég er búin að segja öllum frá því að ég er að fara til Kanada í sumar, fyrstu dagana með þessum húsvíska kór og til að kynna Snorra verkefnin en svo verð ég á eigin vegum og heimsæki fólkið mitt. Á Húsavík fórum við yfir ferðaplan og komst ég m.a. að því að ég mun verða með smá meiri ábyrgð en ég hélt. Kórinn verður í 2 rútum og verðum ég og Kent til skiptis í þeim að "guida" (kann einhver betra orð? Leiðsögumannast??) á meðan Jónast verður með öðrum kór frá Reykjavík! Það verður reynsla...afar ný :) Og bara gaman að því, gef þeim nokkur byrjenda-asnastrik til að minnast úr ferðinni hehe :D

Jæja, best að fara að halla mér. Þriðji seinasti skóladagurinn á morgun, stór kynning á hópverkefni í næstu viku og svo prófalestur á fullu - sendið mér góða strauma, ekki veitir af :)

2007-04-05T07:28:00.000Z

Sæl mín kæru,

Hvað segið þið gott? Ég segi allt það fína svona í morgunsárið. Það er gott að vera í páskafríi og geta loksins einbeitt mér að því að lesa skólabækurnar...það hefur verið lítill tími fyrir svoleiðis v/ tímasóknar, verknáms og verkefnavinnu.

En þar sem þetta er nú páskafrí þá er ég nú ekki að streitast við að læra allan daginn heldur tek ég nokkurra klst dugnaðarskorpur og á svo restina af deginum fyrir fjölskylduna mína og vini. Kemst samt því miður ekki suður til að hitta ykkur sem ég á þar :/

Í lestrinum hefur mér þótt einstaklega róandi og einbeitingarbætandi að standa upp og hita mér te, nú er s.k. Yogi Tea í uppáhaldi hjá mér. Gunni bróðir var áður búinn að kynna það fyrir mér þegar hann hitaði sojamjólk og setti svona kanil Yogi te + smá hunang út í...það er rosa jólalegt :) En það er ekki einungis vegna góða bragðsins (mmm) sem mér líkar þetta te heldur fylgir hverjum tepoka fyrir sig fallegur boðskapur. Núna í morgun fékk ég t.d. 'True understanding is found through compassion'. Þetta er mjög nálægt því að vera eitt af grundvallaratriðum hjúkrunar, nema hvað 'compassion' (samúð/meðaumkun) hefur breyst í 'empathy' (samhyggð/hlutttekning) en munurinn er fólginn í því að þú ert færari um að hjálpa einstaklingi sem er að ganga í gegnum erfiða reynslu ef þú sýnir honum samhyggð (sannur skilningur, umhyggja, heldur yfirsýninni) heldur en ef þú sýnir honum samúð (finnur til með honum, umhyggja, en missir svolítið yfirsýnina).

Áður hef ég t.d. fengið 'A relaxed mind is a creative mind' sem er gott að hafa í huga fyrir komandi próftíð og ritgerðarspurningar :)

Mæli með þessu!

...og líka einni hljómsveit sem ég var nýlega kynnt fyrir: Iron and Wine. Mér hefur samt ekki tekist að finna hana í geisladiskabúðum bæjarins...hún virðist vera ófáanleg! En internetið hýsir ýmislegt og ef þið kíkið á myspace.com/ironandwine þá getið þið hlustað á nokkur, þ.á.m. 'Passing Afternoon' sem er mitt uppáhald :)

Jæja, dugnaðarskorpa í Hand- og lyflækningafræði til kl 15 - hafið það gott í páskafríinu :)

Ps: ákvað að leyfa bara hinni færslunni að vera úr lit, ágætis tilbreyting bara...ég virðist hafa misst mig í litagleðinni síðan ég byrjaði að blogga - er farin að lita annað hvert orð liggur við :D

Litaskreyti seinna...lenti í tímaþröng! :Þ

2007-03-30T19:45:00.001Z

Mér fannst nú ekki við hæfi að hafa þessa sjokk yfirlýsingu lengur þar sem veðrið var nú bara svona slæmt í einn dag...nú er það aðeins betra, búin að fá smá sólskin og hlýju sem smýgur inn í sál og hjörtu :D

Það er barasta nóg að gera í skólanum...ég kvarta alla vega ekki undan verkefnaskorti, það er víst! Skemmtileg helgi framundan með hópavinnu, X-factor kvöldi, afmælismat með pabba og tónleikum þar sem kórinn minn syngur nokkur lög. Svo nálgast páskarnir óðfluga, seinasti kennsludagur fyrir páska er á mánudaginn. Ekki verður þó frí frá lærdómi alla páskana :/ Það er töluvert eftir í lestri og ekki seinna vænna en að grynnka aðeins á bunkanum! Svo verður eitthvað um páskamatarboð og kannski eina bíóferð eða svo og sitthvað fleira gert svo ég fái smá afslöppunar og frí-tilfinningu fyrir lokasprettinn í skólanum ;)

Ég setti inn nokkrar myndir frá árshátíðinni sem var haldin um daginn, það var mjög gaman...góður matur og skemmtiatriði og síðan dansað með Páli Óskars. Mikið stuð!

Svo set ég inn nokkrar myndir frá í dag í hópaverkefnavinnunni við tækifæri ;)

Hafið það rosa gott!

Detti mér nú allar... !

2007-03-22T23:04:00.000Z

Ég er barasta í sjokki!

Þvílíkt og annað eins rokrassgat hélt ég ekki að Akureyri gæti orðið...

Þar skjátlaðist mér hrapallega !

Ég skellti mér í kvöldgöngu og heyrði nú alveg að það væri ennþá hvasst (eins og er búið að vera síðustu daga...) en ég hugsaði með mér að ég gæti bara farið í auka peysu og vindbuxur og verið klár í slaginn :)

En JI MINN EINI !! Ekki bjóst ég nú við því sem mætti mér á fyrstu skefunum...þvílíkt og annað eins rok hef ég nú barasta aldrei upplifað...það var varla stætt !! Og ekki var sandfokið til að bæta það, það var líkast sem skotið væri úr hríðskotabyssu :/ Ég var næstum því snúin við því ekki vildi ég verða stórslösuð fyrir einn göngutúr. En ég gat nú ekki hætt við núna, ég var búin að hlakka til í allan dag - þannig að ég hélt áfram.

Datt einu sinni þegar ég missti undan mér fæturna í einni hviðunni.
Hló mörgum sinnum að vangetu þyngdaraflsins til að halda mér á jörðinni :D
Hneykslaðist á rokinu með meðþolanda veðurofsans sem hneykslaðist á mér að vera á skemmtigöngu !

Svo var nú komið að lokaspottanum og eins og það væri nú ekki nóg að labba upp Þórunnarstrætisbrekkuna með allan vindinn í fangið - hvað haldið þið ??

Það byrjaði að rigna í þokkabót!!! :/ Og hvað höfum við þá? -> SLAGVEÐUR ojojoj...

Þetta var samt hressandi ;D

Hjálmafjör

2007-03-17T11:10:00.001Z

Ég ákvað það í skyndi að skella mér á tónleika með Hjálmum í gærkvöldi...og sá svo sannarlega ekki eftir því!

Rosalega eru þeir flottir!

Það var alveg meiriháttar að hlusta á þá, horfa og dansa :D ...ég var nefnilega svo heppin að hitta skemmtilegt fólk sem tók fyrsta skrefið út á dansgólfið og það fylgdi sko hópur á eftir og það var barasta dansað allan tímann. Þeir voru klappaðir 3x upp!

Enda erfitt að sitja í sætinu og dansa ekki undir Hjálma tónlist...ekki satt? :)

~og mig langar að læra afró dans! Ein þeirra sem ég hitti hefur verið í því og rosalega var gaman að dansa við hana...frjálslegheit í hámarki ;)

Merkilegt að ég skuli ekki vera búin að eignast geisladiskinn þeirra...það verður sko bætt úr því sem fyrst!

Allar tegundir pesta að ganga…

2007-03-10T20:25:00.000Z

...og því miður missti ég ekki af þeim :(
Fékk meira að segja 2 með vikumillibili - og tel ég það góðan skammt í bili og ætti það samkvæmt venju minni að gera mig stikkfría í nokkur ár !

Af hverju fær maður samviskubit yfir því að taka sér veikindadag og gera ekki neitt? Þó maður liggi í rúminu með hita og hroll og hósta! Af hverju ætli maður fari alltaf of snemma út aftur og verður aftur veikur og enn veikari? Af hverju ætli maður rembist við að nota tímann vel á meðan maður er veikur og klára verkefni?

Fékk samt smá spark í rassinn frá vini sem sagði mér að ég ætti nú please að reyna að slappa af…það minnkaði samviskubitið og gerði það að verkum að ég tók hálfan dag í að sofa og horfa á vídjó :)

En nóg um það!

Alltaf nóg að gera í skólanum...er samt nett róleg yfir því öllu – er nokkuð vit í öðru?

Þetta er svo róleg og góð helgi hjá mér, smá verkefnavinna (lognið á undan storminum!) í dag, göngutúr og bakaði mér rosa hollt, gott og fljótlegt fjölkorna, kókos- og rúsínuspeltbrauð…hljómar vel er það ekki ;) Svo ætla ég að hitta pabba á morgun í hádeginu og við ætlum að skella okkur á Bautann! Alltaf gott þar ;) Annað kvöld verður söngurinn, með kórnum mínum, allsráðandi – vonandi, það fer allt eftir því hvort röddin verði komin í lag :/ Kemur í ljós.

Ég set inn fáeinar myndir úr mörgum áttum.
Hafið það rosalega gott :D

Helgi enn á ný...

2007-02-18T23:08:00.000Z

...og ekki af verri toganum.

Ég á nefnilega tvær litlar rúsínur sem mér þykir svo óskaplega vænt um. Ábyggilega hafa flest ykkar heyrt mig tala um Kidda Kalla og Birtu Rún, sem ég hef passað frá fæðingu, og á ég orðið ansi mikið í þeim. Ég var að passa þau í dag, og gisti hjá þeim í nótt, og erum við búin að hafa það notalegt og gaman saman. Svo kúrði ég hjá þeim í kvöld, þó þau séu búin að læra að fara að sofa ein...bara stenst það ekki ;) Það er svo yndislegt að halda í litlar hendur og heyra hroturnar allt í einu koma...eina stundina eru þau vakandi og svo er eins og slökkt sé á þeim – ótrúlegt alveg :)

Í gærkvöldi átti ég afar skemmtilega stund með Olgu og Láru meðleigjendum mínu. Við ákváðum að eiga stelpukvöld, í fyrsta skiptið frá því að við fluttum inn saman!! og leigðum okkur spólur og höfðum það rosa fínt með kertaljós og Egils Kristal Plús :) Vonandi gerum við eitthvað svoleiðis aftur áður en þær útskrifast og yfirgefa svæðið!

Nóg framundan á morgun. Súperspinningið mitt kl. 11, heimsókn til afa míns og ömmu eftir sturtu og kvöldmatur með pabba mínum. Leiðinlegt hvað ég sé lítið af fólkinu mínu nú orðið, 1 sinni í viku og stundum m.a.s. sjaldnar! Skrítið hvað maður eyðir miklum tíma í skóla og vinnu þegar fjölskyldan, það mikilvægasta og dýrmætasta sem maður á, fær ekki meiri tíma.

~þess vegna verður lítið lært um helgina – stundum bara verður maður að forgangsraða rétt~

Ps: Setti inn myndir frá því á jóladag og gamlársdagskvöld ;)

2007-02-12T19:08:00.000Z

Hæ kæru öllsömul

Maður er enn þá á lífi, bara í smá verknáms dvala!

Næst seinasta vikan að hefjast, og ég er búin að sjá og gera MARGT! Hjúkkusjálfstraustið hækkar og lækkar á víxl...allt eftir því við hvað ég er að fást hverju sinni og hvernig mér gengur við það ;)

Ég er núna á Akureyri á Handlækningadeild en fyrir það var ég 2 vikur fyrir sunnan á Kleppi - og VÁ hvað það var mikil upplifun! Þar var allt nýtt fyrir manni og svo miklar pælingar sem fóru í gang að ég er fegin að þurfa að skila 10-15 bls verkefni úr því verknámi um eitthvert einkenni geðsjúkdóms og upplifun mína + lærdóm af veru minni á geðdeild :) Þá fær maður aðeins að pústa.

Á meðan ég var fyrir sunnan náði ég að hitta fjölskyldu og góða vini, mikið var gott að sjá ykkur öll :) - alltaf eru þó einhverjir sem ekki gefst stund til að hitta en næsta heimsókn leysir úr því ;)

Í Reykjavík eignaðist ég 5 pólska strætófélaga á Hlemmi! Þeir voru þar alltaf þegar ég kom, við áttum 10 mínútna mállausa skemmtun og svo fóru þeir 2 mínútum á undan mér. Svo veifuðum við þegar strætóarnir mættust á gatnamótunum á leiðinni á Klepp! Bara gaman og lífgaði upp á drungalega rigningarmorgna (alla 10!) :)

Og já...ég keypti mér langþráðan gítar! Nú ætla ég að læra og ef einhver á skemmtilegar en einfaldar nótur á rafrænu formi má sá hinn sami gjarnan senda mér :)

Því miður tók ég afar fáar myndir í þessari ferð minni en ég set nokkrar inn sem ég tók.

Við heyrumst og hafið það gott :)

2007-01-08T17:32:00.000Z

Jæja gott fólk,
hvað syngur í ykkur svona eftir að jólin eru formlega búin? Allt gott vona ég :)

Sjálf er ég í skýjunum því ég er loksins búin með seinasta prófið!! Jey :) Það var rosalegur léttir að ganga út úr Oddfellow...og tölti ég léttfætt í Bónus til að versla og fylla á ísskápinn minn sem var farinn að tæmast þar sem ég eyddi ekki miklum tíma í búðarferðir meðfram prófalestri...nú ætla ég að elda mér kjúkling :) og dunda mér við það!

Jólin og áramótin voru yndisleg í faðmi fjölskyldu og vina. Ég missti reyndar tvær vinkonur mínar suður - og saknaði sárt - en þær ætla að vera hér í sumar hjá mér í staðinn! ;) Við héldum Litlu jólin okkar saman á laugardaginn og settum pakka undir pínupínulitla jólatréð hennar Stínu og það var ægilega krúttlegt :oÞ Stephanie samdi lítið jólalag sem heitir "Gleðilega Jólarest" sem verður gefið út um næstu jól! er það ekki??

Annars spilaði ég mikið um jólin...og mun sennilega seint toppa það! svo mikil var spilamennskan...og var sjaldan farið að sofa fyrir kl. 04!

Áramótaboð fyrir fjölskylduna var heima hjá pabba...19. áramótin í röð og hann stóð sig eins og hetja eins og vanalega með glæsilegri eldamennsku fyrir allan mannskapinn. Föðurbræður mínir sáu svo um flugeldasýninguna sem hefði sómað sig fínt ein og sér! Enda ákváðum við að taka bara eitt núll aftan af summunni þegar þeir fóru að reikna út heildarkostnaðinn!!! ;)

Nú er bara skóli á fullu...samt bara í eina viku því þá byrjar verknámið á fullu og ég þarf að rífa mig aftur úr nýendurfenginni rútínu og flytja mig suður á bóginn. 2ja vikna geðdeildarverknám og verður gott að hitta góða vini og fjölskyldu fyrir sunnan eftir erfiðan dag á vakt :) Ég kem sem sagt 19. janúar ;)

Ég set inn myndir við tækifæri,
hafið það gott þar til næst og við heyrumst.

Einbeitingin vanfundin og "ill-haldbær"

2006-12-12T14:49:00.000Z

Úfff...seinasta prófið eftir, á fimmtudaginn, og ég er að berjast við að halda einbeitingunni! Ég er búin að senda jólakort og skreyta hjá mér fyrir jólin (ef 1 aðventuljós er nóg til að kalla herbergið skreytt!) þannig að ég get ekki gert það í staðinn fyrir að læra. Ég þarf ekki að laga til því þess þarf ekki, það var undankomuleið frá lærdómi í síðustu viku ;) Ég þarf ekki að elda því ég á nóga afganga til að endast mér fram á fimmtudagshádegi fyrir próf...

Þannig að ég verð bara að læra!

Og fara á litlu jólin hjá kórnum mínum í kvöld, það verður fjör :D Ég ætla að koma með vínber til mótvægis öllum sætindunum sem mig grunar að verði á borðum og svo verður viðkoma í Tiger í leiðinni til að finna eitthvað ódýrt og skemmtilegt í pakka...já! Það er sko allt tilheyrandi sem maður man eftir frá því í grunnskóla ;) Gleymdi samt að spyrja hvort maður ætti að koma með kerti...er það ekki hefðin?

Ps: mér er ekkert illa við að fá komment þannig að endilega ekki liggja á þeim ;D

Make-up menningin

2006-12-08T06:41:00.000Z

Það var núna um daginn að ég fékk 2 eftirfarandi setningar, ásamt fleirum skemmtilegum um muninn á körlum og konum, í pósti:

Karlmenn vakna jafn fallegir og þeir fóru í rúmið.
Konum einhvern veginn hrakar á nóttunni.

Ég hló og hló :D og svo fór ég að hugsa...af hverju ætli hlutirnir hafi þróast þannig að konur í okkar menningu (alla vega yfirgnævandi meirihluti) máli sig en ekki karlmenn (eða alla vega ekki mikill meirihluti)?

Þeir gætu allt eins skellt á sig smá maskara til að undirstrika augun eða sett smá gloss á sig, með eða án glimmers, svona til að sýna smá lit! Er annars nokkur munur á karlmannsaugum/-vörum og kvenmanns-?

Sjálf streittist ég lengi við að byrja að mála mig, nennti ekki að falla í þá gryfju! Ég man sérstaklega hversu kjánalegt mér fannst að heyra konur í þættinum hennar Opruh Winfrey segjast ALLS EKKI geta hugsað sér að fara út úr húsi ómálaðar!! Svo einhvern veginn, einhverra hluta vegna, byrjaði ég á þessari vitleysu sjálf smám saman og nú skil ég þessar konur aðeins betur. Að mála sig er eins og ein af þeim flíkum sem maður klæðir sig í á morgnana...ekki myndir þú fara út úr húsi án þess að fara í nærbuxur (eða hvað?)!

Kannski í framtíðinni munu löng og lokkandi Yves Saint Laurent augnhár einkenna hinn fágaða karlmann og glimmerbleikar Lancome varir bera vott um kátlyndi. Spurning...

Svo er hægt að snúa blaðinu algjörlega við og segja að það séu forréttindi kvenna að geta útfært sig á svo margan mögulegan hátt, allt eftir því í hvernig skapi þær eru og fötum! Karlmenn eru bara alltaf eins :D

Já...þar hafið þið það!

Niðurtalning

2006-12-03T09:19:00.000Z

Já, enn og aftur er hún hafin...niðurtalningin til jóla á baksíðu Moggans :) Alltaf jafn vinalegt - samt er svo stutt síðan hún var seinast!

Þrátt fyrir prófalestur hef ég reynt að taka þátt í jólagleðinni og eignaðist ég mitt fyrsta aðventuljós um daginn. Það er hvítt og ódýrt úr Rúmfatalagernum! En ég bara skellti á það fallegum jólalímmiðum sem ég keypti í næstu búð - Nettó - og úr varð hið fallegasta merki um að jólin séu í nánd :) Bið ekki um meira :D

2 dagar í fyrsta próf og ég er ansi róleg, vonandi samt ekki of róleg! Ég, Stephanie og Stína vinkonur mínar höfum aldrei upplifað aðra eins prófatörn! Það má varla á milli sjá hver okkar er rólegri þegar við hittumst í kvöldgöngutúrunum okkar ;)

Tónleikar með kórnum mínum í kvöld og það verður sko gaman eins og alltaf. Það eru 3 í desember og jólalögin fara að verða meir og meir áberandi hjá okkur og smá auka eftirvæntinguna til jóla :)

Ps: Þið verðið að afsaka litaleysið í dag, veit ekkert hvað hefur orðið um alla litina sem hafa verið á boðstólnum áður ??

Bara snilld!

2006-11-26T14:17:00.000Z

Þessi síða sem Olga meðleigjandi minn var að segja mér frá er bara snilld!! :)

www.peekvid.com

Alls konar þættir og fleira sem hægt er að horfa á t.d. Gilmore girls, Friends, Who's line is it anyway, Everybody loves Raymond....

Mjög auðvelt í notkun :)

Kannski ekki rétti tíminn að heyra af þessu núna - svona rétt fyrir próf! Þetta er náttúrulega hin fullkomna afsökun til að taka smááá pásu. En maður ætti nú að vera farinn að geta haft vit fyrir sér og forgangsraða rétt og svona...ekki satt? hmm...

Finnst ykkur ekki gaman þegar þið eruð boðin eitthvert ásamt öðru fólki sem þið þekkið ekki af sameiginlegum vin, og allir einhvern veginn smella saman og úr verður frábært kvöld!? Örugglega jafn gaman og það er leiðinlegt þegar það gerist ekki! ;) Ég átti þannig kaffi og Actionary kvöld í gær og ekki skemmdi fyrir að á staðnum voru 2 kettir og 4 kettlingar til að knúsa :D Henni Ragnheiði þótti það nú ekki leiðinlegt og var að því komin að taka einn með sér þegar hún mundi eftir reglu nr. eitthvað á Klettastígnum sem er víst ekki hliðholl slíkum ákvörðunum :/

En alla vega var svo gaman að ein úr þessum hópi ákvað að bjóða öllum í jólaglögg heim til sín annað kvöld!

Ég set inn myndir þegar ég fæ þær frá Stephanie, þær eru dáldið skrautlegar :D

Og meira er framundan því fyrir og í prófatörninni sé ég fram á 3 kóræfingar og 3 tónleika með kórnum!

Ég sé það að ég hef engan tíma fyrir próf eins og er :/

Eitthvað til að hafa á bak við eyrað

2006-11-20T21:24:00.002Z

Mátti til með að sýna ykkur þennan texta sem ég fékk í keðjutölvupósti, smá umhugsunarefni og ábyggilega mikill sannleikur í.

As we grow up, we learn that even the one person that wasn't supposed to ever let you down probably will. You will have your heart broken probably more than once and it's harder every time.

You'll break hearts too, so remember how it felt when yours was broken. You'll fight with your best friend. You'll blame a new love for things an old one did. You'll cry because time is passing too fast, and you'll eventually lose someone you love.

So take too many pictures, laugh too much, and love like you've never been hurt because every sixty seconds you spend upset is a minute of happiness you'll never get back.

Don't be afraid that your life will end, be afraid that it will never begin.

~anonymous~

Frost er úti..

2006-11-18T22:14:00.001Z

...og það líka ekkert smá!

Ég vaknaði í morgun og sá þennan fallega sólskinsdag út um gluggann minn og ákvað að labba bara í afmælið til Kidda Kalla litla (sem stækkar, 7 ára í dag!) frænda míns - ca klukkutímagangur og ágætis útivera. Lærði þangað til og dreif mig svo nokkuð vel búin út því ég var búin að heyra að það ætti að vera dálítið kalt næstu daga.

Svo gekk ég af stað og jújú...það var alveg pínu kalt en ekkert til að tala um svo sem. Eftir svona hálftíma, þegar ég var komin út fyrir bæinn fór nú aðeins að kárna gamanið þegar ég var farin að finna all verulegan dofa í höndunum...reyndi þá eitthvað að hrista í þær líf...og svo var ég allt í einu farin að hugsa á þá leið að ég skildi alveg núna hvernig fólk til forna gat orðið úti á heiðunum að vetri til...!!! Sá svolítið eftir að hafa ekki þegið far hjá manninum sem stoppaði til að athuga hvort ég þyrfti far - en þá var ég farin að sjá fyrir mér dálítið svakaleg kalsár sem ég lærði um á síðasta ári :/ En ég ætlaði mér að klára ~ heimska eða þrautseigja? Dæmi hver fyrir sig ;)

Við pabbi horfðum á myndina Da Vinci code í kvöld, fínasta mynd og vel gerð. Paul Bettany dáldið hrikalegur ekki satt!? Alla vega, við vorum sammála um að hugsa okkur 2var um áður en við læsum bókina - ég er nokkuð viss um að mín litla sögulega þekking myndi ekki þola þetta of raunverulega skáldskaparívaf sem höfundurinn vefur um sögulegar staðreyndir!

Framundan er svo bara heimildasöfnun, -lesning og verkefnavinna um helgina og skóli á mánudaginn eftir 6 vikna hlé. Það verður skrítið að setjast aftur á skólabekk, en það verður bara í nokkra daga því prófin eru á næsta leiti - hvað ætli sé langt...held það séu 16 dagar - vá hvað það styttist!

Endurkoma í bloggheima

2006-11-13T17:12:00.000Z

Sökum fjölda (2ja) áskorana hef ég ákveðið að boða komu mína í bloggheima á ný!

Það verður þó ekkert að ráði fyrr en ég er búin að fá tölvuna/netkortið í lag svo ég komist á netið heima - fer með hana til félaga minna í Gagnasmiðjunni á föstudaginn sem eru svo liðlegir alltaf að redda því fyrir mig :)

Í bili er allt gott að frétta, seinasta vikan í verknáminu hafin og finnst mér það miður. Það er rétt núna sem ég er að komast í gírinn - það tekur mig alltaf dálítinn tíma að finna mig og verða örugg í verknáminu. Í dag var sérstakur dagur og fann ég loksins aftur tilfinninguna fyrir því að ég eigi eftir að verða góður hjúkrunarfræðingur. Stress undanfarnar vikur var búið að kaffæra þessa tilfinningu um tíma og pínu vanmáttarkennd komin í staðinn!! - þannig að þetta var kærkomið :)

Styttist í próf - en það er bara gaman ;)

Að lokum...

2006-09-01T14:48:00.000Z

Jæja öllsömul!

Nú er komið að því. Hér skiljast leiðir!

En bara í bloggheimum. Ég á eftir að hitta ykkur, heyra í ykkur og senda ykkur e-mail :D

Í stuttu máli var Kanadaferðin alveg aldeilis, meiriháttar mögnuð og erfitt að lýsa hversu góð hún var. Þessu góða fólki sem ég kynntist mun ég aldrei gleyma og ætla ég mér að halda sambandi við nokkra af þeim. Ég, og ég er viss um að hinir sem voru með mér í Snorra West verkefninu eru sammála, eignaðist eins konar "míní-heima" í Kanada og það er skrítin tilfinning!

Það að geta gengið um léttklæddur og frjálslegur allan daginn og allt kvöldið, fara á ströndina, fá mér "iced cappucino, with a little bit of hazelnut syrop", fara út að borða með vinum, dansa úti undir berum himni á torgi á reggí tónleikum í Gimli í góðra vina hópi, borða epli af eplatré, fara á tónlistarhátíð í æðislegu veðri, gista í húsi með strönd fyrir bakgarð og fara út í morgunsárið og dýfa tánum í vatnið í flæðarmálinu, spila póker með pókerfélögunum mínum þremur ;) og margt, margt fleira gerði þessa ferð að því sem hún var.

Eftir að ég kom heim er einnig margt búið að gerast. Ég fór í eina 13 klst langa fjallgöngu - frá Eyjafirði yfir Nýjabæjarfjall yfir í Skagafjörð - sem var bara draumur!! Dáldið erfið og krefjandi en maður gleymir því þegar maður er með skemmtilegu fólki í hóp eins og Randa frænda mínum, Dúnnu, Lilju frænku og fleiru góðu fólki í alveg meiriháttar veðri ALLAN tímann (þ.e. ekki dropi úr lofti eða neitt slíkt!). Eina sem ég fann fyrir daginn eftir, fyrir utan morgunstirðleika sem fór þegar ég var staðin upp, var risablaðra á hælnum! En góð að öðru leiti.

Síðan hef ég verið á fullu að flytja dót í nýju stúdentaíbúðina mína sem ég leigi með 3 öðrum indælum stelpum úr háskólanum :) Það er búið að ganga mjög vel með mikilli og góðri hjálp frá pabba mínum. Ég er búin að sofa 2 nætur og mér líst mjög vel á mig hér, er strax farið að líða vel. , geng út um allt (af því að við seldum Pontann okkar) og það er stutt í búð, skólann og sund...hvað annað þarf maður ;)

Jæja, þá ætla ég að segja þetta gott og þakka ykkur rosa vel fyrir samfylgdina :D Það væri gaman ef þið sem eruð enn að kíkja á þessa bloggsíðu mína mynduð öll kvitta í lokaskiptið ;)

Ég er að spá í að halda myndasíðunni gangandi og setja inn myndir af og til fyrir ykkur sem vilja aðeins fá innsýn inn í hvað ég er að gera. Slóðin er:

http://raggadilla.myphotoalbum.com/

Sjáumst!!

Stutt í bili

2006-08-23T02:40:00.000Z

Jææææja!

Nú eru liðnir nokkrir dagar síðan ég kom heim og ég hef ekki enn þá bloggað seinasta bloggið sem ég lofaði ykkur. Þetta er ekki það seinasta því ég er að fara að sofa, klukkan er orðin ansi margt. Ég ákvað í kvöld að setja inn myndir á myndasíðuna en byrjaði frekar seint á því og lenti í aðeins of oft í veseni (kannski af því að ég byrjaði svona seint á þessu öllu saman - þreytumistök!). En fyrst ég byrjaði á því þá varð ég nú að gera það svolítið almennilega en ég er ekki alveg búin að setja inn allar þær myndir sem mig langar að sýna ykkur...restin kemur seinna með lokablogginu - svanasöngnum - ...hmmm...ætla að fara að sofa núna áður en ég byrja að bulla!

Ps: þið þurfið ekkert að vera að kommenta hér, geymið það bara þangað til næst. Ég ætla að segja ykkur það núna, ég hef sagt það áður og segi ykkur það aftur næst, að ég er mjög ánægð með hversu dugleg þið hafið verið að kommenta hjá mér - þó ég hafi kannski ekki verið svakalega dugleg að blogga :)

Seinasti dagurinn

2006-08-11T05:43:00.000Z

Þessi vika hefur verið frekar furðuleg! Seinasti heili dagurinn okkar hér í Kanada er á morgun og á sunnudagsmorgun verð ég komin heim til Íslands eftir 6 vikna, ótrúlega skemmtilega dvöl hér í Kanada.

Íslendingadagurinn var seinasta mánudag og er helgin á undan hátíðarhelgi í Gimli og margt um manninn! Við vorum sjálfboðaliðar á golfmóti, dansleik, fórum í tívolí og höfðum það bara notalegt öll saman í Gimli. Við hittum nokkra Snorra þátttakendur (þeir sem fara frá Bandaríkjunum og Kanada til Íslands í svipuðum erindagjörðum og við) í grillveislu á sunnudeginum og þar bauð ég mig fram sem forseta Snorra/Snorra West þátttakenda félagsins! :) Sem þýðir að ég á eftir að vera viðloðin þetta prógramm lengur sem er bara fínt mál! Daginn eftir voru þau með okkur í skrúðgöngu ásamt fullt af öðru fólki...þar veifuðum við til alls fólksins sem að fylgjast með skrúðgöngunni ;)

Í kvöld buðum við nokkrum hingað heim til mín - Angie og Bailey kanadískum vinkonum mínum og Bergrúnu og Kristbjörgu Snorra West vinkonum mínum - í mat og póker spil. Síðan fórum við með litlu kanadísku vinkonum mínum Janessa og Carrigan og Laufey Snorra West þátttakanda í bátsferð. Kvöldið endaði svo með ferð í gamalt og yfirgefið "draugahús" sem var afar hryllilegt í dimmunni!! en mjög spennandi að ganga um það - við brugðum aðeins á leik eins og sjá má á myndunum ;D

Þegar ég kem heim ætla ég að skrifa lokapistil hér inn á heimasíðuna og setja inn myndir sem ég á eftir að setja inn. Þangað til set ég inn nokkrar til málamyndana og segi: Sjáumst bráðlega!!

Að njóta lokadaganna!

2006-07-30T06:52:00.000Z

Mér finnst ég nýkomin hingað, rétt að byrja að kynnast fólki vel en í dag eru nákvæmlega 2 vikur þangað til ég verð að kveðja alla...það verður mjög erfitt því ég er búin að kynnast svo indælu fólki hér á öllum aldri. Sumir koma með mér heim til Íslands því þeir eru hluti af Snorra West og það er gott mál :)

Síðustu daga (tæpar 2 vikur þ.e.a.s. ...úpps, ætlaði nú að vera duglegri ad blogga en það!) hef ég verið að gera ýmislegt og varla haft tíma til að fara í tölvuna og láta heyra í mér. Ég er búin að brasa ýmislegt með Wöndu, t.d. fengum við mæðgur heim til okkar til að gefa okkur Reiki meðferð! Mjög afslappandi. Ég er búin að koma mér vel fyrir heima hjá þeim og komast inn í húmorinn þeirra þannig að ég get farið að skjóta á móti þegar Tim er eitthvað að fíflast í mér!! ;)

Sjálfboðaliða vinnan mín er rosalega fín, það heitir "Native Friendship Center" og er eins og dagheimili fyrir krakka á öllum aldri á sumrin á meðan foreldrarnir eru í vinnunni. Það eru bara strákar sem vinna þar með krökkunum og er spes að upplifa það. Þeir eru mjög skemmtilegir og ég er búin að kynnast nokkrum af krökkunum vel, fékk gælunafn fyrsta daginn...Pinkie Blue, af því að ég var í bleikri peysu og bláum stuttbuxum :) Ég kann bara vel við nýja nafnið mitt. Alla föstudaga fara þau í dagsferð og er ég búin að fara í tvær, vatnsrennibrautagarð og tívolítækjagarð - ekki leiðinlegt það!

Ég er búin að fara nokkrum sinnum í Gimli, sem er einn af gömlu Íslendingabæjunum, fara á ströndina með stelpunum, út að borða, bara hafa það notalegt og gaman. Hnausa Beach er ekki langt frá og þangað er gaman að fara þegar maður vill slappa af í minna margmenni en er á Gimli Beach, synda í vatninu, leika sér í sandinum...ganga í smá barndóm aftur ;) Síðan var okkur boðið í bátsferð á lóni/vatni við Willow Island rétt hjá Gimli þar sem við stoppuðum á tveimur ströndum og fengum okkur vatnsmelónu, fórum í vatnsslag og bara slöppuðum af í sólinni. Ég gæti alveg vanist þessu!

Seinasta fimmtudag fórum við öll með Wöndu og tveimur öðrum í borgina, Winnipeg. Þangað er ca 1 1/2 klst akstur frá Riverton. Þessi tvö sem komu með okkur eru "systkini" tveggja Snorra krakkanna, stelpan heitir Angie og ég fór í búðirnar með henni og vinkonum hennar þannig að þær beindu mér á rétta braut hvað flottar verslanir varðar, útsölur voru enn í fullum gangi þannig að útkoman var fullt af flottum fötum fyrir lítinn pening...loksins!! Ég var farin að efast um að mér tækist að versla nokkuð, miðað við hvernig ég byrjaði!

Eftir verslunarleiðangurinn fórum við og fengum okkur að borða og svo var brunað í karókí í Casino-inu, með lifandi tónlist í stórum sal. Ég var búin að vera afar kokhraust síðan við ákváðum að fara þangað og sagði að allir yrðu að syngja a.m.k. eitt lag...þangað til ég kom þangað og hugsaði - GLÆTAN að ég fari upp að syngja!!! En...Angie hvíslaði að mér að hana langaði pínu upp en samt ekki og mér leið eins þannig að við ákváðum að skella okkur upp saman því annars myndum við sjá eftir því seinna! Þannig að við gerðum það, vorum ein taugahrúga en ótrúlega fegnar að hafa gert það :D Það endaði með því að nánast allir fóru upp og sungu og flesta langaði að syngja meira!! :D Síðan dönsuðum við og skemmtum okkur þvílíkt vel.

Í gærkvöldi kom ég í Gimli og gisti hjá vini mínum á Willow Island, öllum Snorra krökkunum og vinum Angie var boðið í grill og bonfire/varðeld með sykurpúðum og spjalli heim til hennar í kvöld...það er eitt af því sem er mjög algengt hér í Kanada. Síðan kíktum við 5 saman aðeins til Winnipeg Beach sem er ca 15 mínútna keyrsla héðan (og fyrir þá sem fylgjast með þáttunum Falcon Beach á Sirkus þá eru þeir teknir upp m.a. þar). Þar var árlegt fest í gangi með tívolí tækjum og skelltum við okkur í hræðilegasta tækið sem voru tveggja manna básar hengdir utan á stórt stykki sem snerist í hringi og svo snerust básarnir líka í hringi...hratt!! Ég og Bergrún fórum saman og við slepptum okkur alveg og hlógum og öskruðum í bland...bara gaman!

Nýjar myndir eru á leiðinni ;)

Mikið að gera, hæg nettenging, frá mörgu að segja...

2006-07-18T20:09:00.000Z

...ekki besta blandan! En ég geri mitt besta ;)

Ég setti inn nokkrar myndir frá fyrstu vikunni og ætla að setja fleiri bráðlega.

Það var rosalega gaman á Clear Lake, þetta var fallegur staður, paradís á jörð eiginlega, við stórt vatn og við fórum út að borða, fórum á ströndina, í "dinner cruise" þar sem allir klæddu sig upp. Síðan leigði ég mér hjól og fór í hjóltúr út um allt svæðið, það var æði...það byrjaði að helli-helli-helli rigna á mig og ég varð rennandi-rennandi-rennandi blaut...ekki þurr blettur á mér!

Ég fór líka aðeins ein um svæðið til að kynnast fleirum og það var mjög gaman, líka fínt að æfa enskuna betur. Allir voru svo afslappaðir, í fríi, búðir og veitingastaðir út um allt, bátaleiga og margt fleira.

Nú er 3ja vikan byrjuð og allir eru komnir til sinnar fósturfjölskyldu, ég varð eftir hjá minni sem allir voru hjá núna í annarri vikunni..Wöndu, Tim og strákunum þeirra, Brett og Drew. Rosalega fín fjölskylda og mér líður mjög vel hér. Það er rosa gott að hægja aðeinst á sér og taka þátt í sveitalífinu hér, enginn asi, ég lít varla á klukkuna...bara notalegt.

Tíminn verður svo sannarlega fljótur að líða skal ég segja ykkur! Ég ætla að setjast niður við tækifæri og skrifa niður meira til að segja ykkur svo þetta sé ekki alltaf í svona skeyta stíl! :D og svo set ég inn fleiri myndir fyrir ykkur að sjá.

Bæ í bili.

I sveitinni :)

2006-07-11T05:00:00.000Z

Eg verd tvi midur ad hryggja ykkur med tvi ad tad eru engar myndir i tetta skiptid :\ Vona ad tid gefist ekki upp a mer. Vid erum buin ad vera mikid a flandri sidustu daga og verdum tad afram tannig ad tad er enginn timi eda orka i ad setja inn myndir. Hinir krakkarnir fara a sina stadi a laugardaginn tannig ad ta haegist adeins um her a bae og um helgina stefni eg a ad setja inn myndir til ad syna ykkur hvad eg hef verid ad bralla hingad til ;)

Vid forum fra Winnipeg a fostudaginn til ad fara i sveitina. Vid forum heim til Wondu i Riverton og komum okkur fyrir, kynntumst manninum hennar og tveimur sonum (eg a eftir ad segja ykkur meira af teim tar sem eg verd her afram i 5 vikur)...tau eru oll rosalega indael. Vid gistum 2 og 2 saman i herbergi, tad var rosalega heitt, fullt af viftum i gangi, opnir gluggar, engar saengur...og bara rosa kosy ;)

A laugardaginn forum vid a risa tonlistarhatid, Folk Festival. Vid plontudum okkur undir tre i skugga og vorum med nesti og teppi. Sidan voru hljomsveitarpallar og solustandar uti um allt og tad var sko alveg haegt ad eyda deginum tar i godu yfirlaeti. Eg sat orugglega i klukkutima a grasinu og hlustadi a eina hljomsveit spila - tad var aedi...allir i rosa godum filing og tetta var trusugod hljomsveit - Son volt minnir mig ad hun heiti...eg verd ad finna geisladiskinn med henni. Madur var ogedslega skitugur og tvaeldur eftir daginn en i finu studi! Eg syni ykkur myndina af tanum a mer naest ;D Um kvoldid forum vid a Viking Inn i Gimli til ad kikja a skemmtanalifid tar og skemmtum okkur rosa vel i pool og a dansgolfinu, tokum m.a. tatt i linudansi um tima og stodum okkur barasta vel :)

Svo erum vid ad njota lifsins her a sveitabaenum inn a milli dagsferda, spiludum poker, forum i fotbolta, eldum godan mat... Framundan er 4 daga ferd um svaedid, vid gistum a yndislegum stad sem heitir Clear Lake, forum a strondina og sitthvad fleira sem kemur i ljos tegar eg kemst aftur i netsamband og get sagt ykkur fra ollu! ;) Tad verdur vist ekki fyrr en um helgina tannig ad tid turfid ekki ad buast vid myndum fyrr en ta...taer koma :)

Bid ad heilsa ykkur i bili.

2006-07-05T22:58:00.001Z

Jaeja ollsomul...tad er rosalega gaman ad sja ad tid erud dugleg ad kommenta hja mer :) Ta fae eg adeins ad heyra i ykkur hljodid og sja ad ykkur lidur vel.

I dag er fimmti dagurinn, klukkan er rett ad verda 18 og vid vorum a ferdinni i dag eins og hina dagana. Tessi vika fer adallega i tad ad laera adeins um Kanada, stjornarskipulagid, svaedisskipulagid (adallega Manitoba tar sem Winnipeg er). I gaer forum vid i ansi merkilega byggingu tar sem tingid kemur saman og alls konar radherrar hafa skrifstofu. Vid fengum ad fara inn tar sem venjulegir turistar fa bara ad horfa inn og vera fyrir aftan band! Somu sogu er ad segja um spilavitid og vedreidabygginguna!! Ja, tid lasud rett ;) Vid fengum m.a.s. 20 dali til ad vedja a vedreidunum, eg vedjadi 2 dolum a hest sem mer leist vel a og vann 14 dali !! :D Tad tydir bara eitt...meiri peningur fyrir verslunarmidstodvarnar ;) Vorum svo heppin ad lenda a utsolunum...er samt ekki buin ad eyda svo miklu, tvi midur :\ Er vodalega sein i gang eitthvad. En tad er svo sem naegur timi eftir.

Nuna rett a eftir erum vid ad fara ut ad borda med dottur hjonanna og vinkonu hennar...bokstaflega uti, undir berum himni, ad kvoldi til, i bol og stuttbuxum...Ohhh, eg aetti nu ekki ad vera ad pina ykkur meira med godvidrisfrettum!

Sem sagt, allt gott ad fretta - ekkert moskitobit enn (7-9-13), dyragardurinn a morgun tar sem vid faum m.a. ad sja hvitan visund (likurnar a ad teir faedist eru vist 1\milljon!) og a fostudaginn forum vid til Riverton tar sem vid gistum hja Wondu, einum af skipuleggjendunum sem hefur verid med okkur alla tessa viku, oll saman a bugardinum hennar.

Eg lofa ad setja inn myndir fljotlega...lofa, lofa, lofa!

Winnipeg – eg er komin!

2006-07-01T16:23:00.000Z

Ta er eg komin til Winnipeg og tad er alveg yndislegt her. Ferdin gekk rosa vel og nadum vid i hopnum adeins ad spjalla i flugvelinni (i 5 klst og 45 min ferd!) og svo i Minneapolis a medan vid bidum i 4 klst a flugvellinum. Eftir tad var um klukkustundar ferd tar sem eg nadi ad spjalla vid einn fra Kanada og sagdi hann mer fra ymsu sem eg aetti ad reyna ad sja.

Mer list mjog vel a alla og held ad okkur eigi eftir ad koma rosa vel saman :) Vid vorum sott a flugvollinn, um klukkan 12 ad midnaetti ad stadartima, sem tydir ca 5 half 6 ad Islands tima! Tannig ad tad var komin pinu treyta i mannskapinn og gott ad komast i sturtu og skrida upp i rum i minu eigin herbergi :)

Eg og onnur stelpa, Signy, erum hja svo indaelum hjonum, Eric og Myrnu, og gistum hja teim i viku. Okkur lidur strax eins og heima hja okkur hja teim. Nu er klukkan rumlega 11 fyrir hadegi og Eric vissi alveg ad okkur langadi til ad skrifa heim ;) A eftir kemur restin af hopnum til okkar og Wanda, ein af teim sem er ad skipuleggja tetta allt saman og su sem eg a eftir ad vera hja 4 sidustu vikurnar, segir okkur fra tvi sem er i vaendum. M.a. veit eg, tvi Eric var ad segja okkur fra tvi, gistum vid 2 naetur i naestu viku vid vatn sem heitir Clear Lake (hljomar ekki illa!) tar sem eru yndislegar gonguleidir og litill baer med litlum verslunum og litlu kvikmyndahusi og fleiru.

Sem sagt godir timar framundan i 25 til 30 stiga hita, stuttbuxum, sandolum og bol (lika a kvoldin!!) :D Eg reyni svo ad lata heyra i mer fljotlega aftur og laet ta vonandi inn myndir lika.

Keflavík - Minnesota - Winnipeg

2006-06-30T10:08:00.000Z

Jæja...nú er barasta komið að því. Brottfarardagurinn er runninn upp – og ég er ekki alveg að kaupa það! En fyrst að dagatalið segir það þá verð ég víst bara að trúa því :)

Ég er búin að eiga tvo virkilega góða daga í Reykjavík. Komst reyndar ekki fyrr en síðdegis á miðvikudag í staðinn fyrir um hádegið eins og ég ætlaði mér, þar sem ég hafði – svo gáfulega – pantað mér 11 flug f r á REYKJAVÍK...hmmm... passaði víst ekki alveg eins og ég og pabbi sáum þegar við komum inn í tóma flugstöðina! :D

Fékk óvænt rosa góðar móttökur á flugvellinum þar sem Inga hans Bigga bóa og strákarnir þeirra, Adam og Vigfús, komu og sóttu mig og áttum við öll góða stund saman á afmælinu hans Vigfúsar áður en þau fóru til Spánar í gær. Biggi keyrði mig svo á kaffi Hljómalind þar sem Gunni bróðir vinnur og gerði ég þar nokkra kaffibolla...það minnti mig á Bláu Könnuna mína ;)

Við Stephanie vinkona eyddum svo gærdeginum saman og fórum m.a. á fyrsta dag útsölu! Ég keypti mér nú ekki mikið, þar sem ég er nú á leiðinní út í úrvalið þar, en ég náði svona aðeins að hita mig upp (get stundum verið pínu sein í gang), liðka kortið til og koma mér í kaupgírinn ;D Aftur á móti hjálpaði ég Stephanie að hætta að skila fötum aftur á slána án þess að máta þau og þannig aðeins að víkka út fatavalssjóndeildarhringinn hjá henni :)

Svo skemmtilega vildi til að Hólmgeir frændi og afmælisbarn og strákarnir hans, Kári og Karl, voru líka að leika sér í borginni og náði ég því að smella kveðjukossi á þá feðga í Kringlunni :)

Í gærkvöldi fór ég svo út að skokka á Sæbrautinni og aðeins út á Seltjarnarnesið – naut kvöldsvalans í botn áður en hitasvækjan tekur við :/ Á Sæbrautinni fékk ég svefngalsa og tók upp á því að hoppa og skoppa á milli steinanna í grjótgarðinum! Ekki kannski það sniðugasta sem maður getur gert þegar maður hefur plön sem gera ekki ráð fyrir gifsi og hækjum!! En gaman var það ;)

Nú er ekki víst hvenær ég kemst í net næst...vonandi fyrr en seinna. Hafið það öll rosa gott þangað til næst :)

Íslenskt sumar

2006-06-26T20:57:00.000Z

Nú eru síðustu forvöð fyrir mig að njóta íslenska sumarsins áður en ég kveð það, ótrúlegt en satt þá er það alveg hægt núna!

Ég gekk inn Glerárdalinn í gær í alveg hreint yndislegu veðri og um kvöldið skelltum ég og Stína vinkona mín okkur í golf í sveitinni! Það var óóótrúlega gaman, við skildum vel hvernig fólk getur fengið golfbakteríuna þegar það fer að ná að skjóta kúlunni lengra en 5 metra í hverju skoti!! ;) Markmiðið mitt á fyrstu brautunum var að halda kúlunni inni á vellinum - og gekk það nú mis vel - en síðan komst maður í smá golf gír og leyfði þessu bara að flæða og viti menn! Kúlan fór upp frá grasinu, flaug tignarlega í loftinu (m.a.s. nokkra metra) og lenti (NB) inni á teignum aftur!! :D

Hittum líka ansi skemmtilega golfara, sumir voru "aðeins" betri en við og hleyptum við þeim nú fram úr svo þeir yrðu ekki í alla nótt með hringinn sinn! Aðrir voru...jah...ekki alveg hefðbundnir golfarar...aðeins komnir í glas og var leikurinn afar skrautlegur fyrir vikið!! Við Stína höfðum mikið gaman af þeim og endaði kvöldið með því að við tókum seinustu brautina með þeim og hinum tveim sem voru búnir með allan hringinn (fóru s.s. ekki styttri leiðina vegna tímaskorts eins og við og skrautlegu félagarnir). Þetta var mikið fjör :D

Nú eru bara 2 dagar þangað til ég fer til Reykjavíkur og 4 þangað til ég fer til Kanada...styttist óðum maður lifandi! Búin að þrífa herbergið hátt og lágt og þvo þvott þannig að á morgun verður pakkað, fjölskylda og vinir kvaddir, spagettí að hætti pabba sem lokamáltíð að minni ósk ;) og á miðvikudagsmorgun fer ég í hafragraut til afa og ömmu áður en ég fer í flug :)

Setti inn nokkrar myndir ;)

Fer að styttast!

2006-06-13T22:43:00.000Z

Nú fer heldur betur að styttast í að ég haldi á vit ævintýranna þannig að mér datt í hug að skella inn einni færslu og segja ykkur í stuttu máli hvað það er sem ég er að fara að gera.

Í stuttu máli sagt þá sótti ég um að fá að vera þátttakandi í s.k. Snorra West prógrammi sem vinnur að því að styrkja tengslin á milli Vestur-Íslendinga og Íslendinga með því að senda hóp fólks ár hvert milli Kanada og Íslands - og var valin!! ásamt 7 öðrum og er því á leiðinni í 6 vikna ferð til Kanada þann 30. júní :D

Við munum skoða okkur um víðsvegar í Kanada, fara á ströndina, í verslunarmiðstöðvar, útihátíðir, kvikmyndahátíðir, synda í vötnum, verða bitin af moskítóflugum :/ (þær eru víst ansi skæðar, alla vega miðað við það sem einn ferðalangur frá Kanada sagði mér þegar hann kom í kaffi á Bláu Könnuna - hann sagði að strendurnar væru yndislegar í Kanada, en....það væri ekki hægt að njóta þeirra vegna moskítóflugnanna!!!) og margt, margt fleira.

8 fjölskyldur í einhverjum af minni bæjunum (t.d. Gimli) taka hver um sig eitt okkar að sér í 3 vikur og gera eitthvað skemmtilegt með okkur og þar fáum við líka "vinnu" virka daga frá 10-14 á daginn.

Seinustu vikuna tökum við þátt í hátíðarhöldunum sem eru ár hvert í tilefni Íslendingadagsins og þá er víst mikið glens og gaman! :)

Ég ætla að reyna að vera dugleg að segja ykkur frá ferðalaginu og setja inn myndir og ég vil endilega fá comment frá ykkur öllum...þá er svo miklu skemmtilegra að blogga ;)

Allt í vinnslu!

2006-04-01T12:36:00.000Z

Við sjáumst í lok júní! :)